ටොරන්ට් ෆයිල් ඩිරෙක්ට් ඩවුන්ලෝඩ් කරන්න! සීමා නොමැතිව!! නොමිලේ!!!

මෙම වෙබ් අඩවියේ මීට පෙර පළකල ලිපියක් හරහා ටොරන්ට් ෆයිල් ඩිරෙක්ට් ඩවුන්ලෝඩ් කලහැකි ක්‍රම හයක් ඉදිරිපත් කලා. නමුත් මේ වනවිට එයින් කීපයක්ම ක්‍රියා කරන්නේ නැහැ. දැන් කියන්න යන්නේ ඒ සියල්ලම අමතක කරන්න කියලයි. ඔව් ඒ සියල්ලම අමතක කරන්න. මෙම විෂයෙහි දැවැන්ත පෙරලියක් සිදුකරමින් නවතම වෙබ් අඩවියක් කරලියට පැමිණ තිබෙනවා. මේ ලිපිය ලියන්නේ එම වෙබ් අඩවිය පිළිබඳ කරුණු දැක්වීමටයි.

වැඩි කතා නැතුව අපි වැඩේට බහිමු. මේ වෙබ් අඩවියේ නම වන්නේ Hive. මෙය තවම පවතින්නේ Beta තත්වයේ. එනම් පරීක්ෂණ තත්වයේ. මෙහෙම කිව්වම බයවෙන්න එපා. Beta මට්ටම කියන්නේ අවසාන පරීක්ෂණ මට්ටම. මෙහිදී කරන්නේ පාරිභෝගිකයා වෙත පරිභෝජනය කිරීමට ඉඩ ලබාදී ගුණ දොස් විමසා බැලීමයි.

මෙම වෙබ් අඩවියේ ටොරන්ට් බාගත කිරීමට මෙන්ම නැරඹීමේ පහසුකමද සපයනවා කිසිම සීමාවක් නැතුව. Download වේගය UNLIMITED. මෙහෙම කිව්වට පොඩි පොඩි සීමා කීපයකුත් තියෙනවා.
එනම්,

• එක් සතියක කාලයක් තුල මෙම වෙබ් අඩවියට Upload කලහැක්කේ 50GB දත්ත ප්‍රමාණයක් පමණයි.
• 20GB ට වඩා විශාල ෆයිල් Upload කල නොහැකියි.
• එකම ටොරන්ට් ෆයීලයේ වීඩියෝ ෆයිල් එකකට වඩා වැඩි ගණනක් ඇත්නම් upload වන්නේ විශාලම වීඩියෝ ෆයිලය පමණයි.
• එක් ටොරන්ට් ෆයිලයක් upload කිරීම සඳහා වෙන්කර ඇති කාලය පැය 4ක් පමණයි.

දැන් බලමු කොහොමද මේ වෙබ් අඩවියේ account එකක් හදාගන්නේ කියලා.

1.) මුලින්ම යන්න වෙබ් අඩවියට Hive.im

2.) පහළින් පෙන්නලා තියෙන ලින්ක් එක මත click කරන්න.

3.) එවිට මතුවෙන popup එකෙහි පෙන්වා ඇති button එක click කරන්න.

4.) ඉන්පසුව පහළින් පෙන්වා ඇති ස්ථාන දෙකට නම ඇතුළත් කරන්න. මුල් නම සහ දෙවන නම. ඉන්පසුව ඊට පහළින් ඇති create a new account button එක click කරන්න.

5.) ඉන්පසුව පහළින් පෙන්වා ඇති ස්ථාන දෙකට ඔබගේ ඊමේල් ලිපිනය සහ මෙම වෙබ් අඩවිය සඳහා ඔබ භාවිතා කරන password එක ලබාදෙන්න. මෙහිදී නිවරද්‍යතාවය ගැන සැළකිලිමත් වන්න. මන්ද මෙහි ඊමේල් ලිපිනය සහ password එක නැවත වතාවක් පරීක්ෂා වන්නේ නැති බැවින්. ඉන් පසුව පහළින් ඇති රවුම් button එක කර අවශ්‍ය කරන profile picture එක තෝරන්න. ඉන් පසුව  create account button එක click කරන්න.

දැන් ඔබගේ account එක create කර අවසානයි. දැන් ඔබව මෙවැනි පිටුවකට යොමුවේවි.

ටොරන්ට් ෆයිල් upload කරන ආකාරය.

1.) රතු පාටින් රවුම් කර ඇති button එක මත click කරන්න.

2.) එවිට මෙවැනි පිටුවකට යොමුවේවි. මෙහි පෙන්වා ඇති ස්ථානයේ, ඔබට භාගත කරගැනීමට අවශ්‍ය ටොරන්ට් ෆයිලයේ magnet link එක paste කරන්න. (සැ.‍යු. :- .torrent ෆයිලය බාගත කෙරෙන ලින්ක් එක ලබාගන්නේ නැත. එඹවින් සෑම විටකම magnet link එක ලබාදෙන්න.)  ඉන් පසු පහළින් ඇති කොළ පැහැති get link button එක click කරන්න.

එවිට පහළින් මෙම ආකාරයෙන් ටොරන්ට් ෆයිලයේ බාගත කරගැනීමේ අවස්ථාව පෙන්වනවා.

ටොරන්ට් ෆයිල බාගත කරගන්නා ආකාරය

1.) පහළින් පෙන්වා ඇති button එක click කරන්න.

2.) එවිට යොමුවෙන පිටුවේ ඔබ upload කල ෆයිල මේ ආකාරයෙන් දකින්නට පුලුවන්. අවශ්‍ය ෆයිලය මත double click කරන්න.

3.) පහළින් පෙන්වා ඇති download button එක click කිරීමෙන් අදාළ ෆයිලය බාගත කරගත හැකියි.

විශේෂ කාරණාවක්

මෙම වෙබ් අඩවිය beta මට්ටමේදී සියලුම පහසුකම් නොමිලේ ලබා දෙනවා. නමුත් මෙම කාල සීමාවෙන් පසුව free users හට යම්කිසි සීමාවන් පැනවෙනවා. Download වේගය අඩාල කිරීමත් මීට ඇතුලත්. නමුත් මෙය මඟහරවා ගතහැකි ආකාරයක්ද ඔවුන් ලබාදී තිබෙනවා. එනම් 100 friends ඇතුලත් කරගැනීමයි. පහලින් පෙන්වා ඇති ස්ථානයේ username එක search කිරීම මගින් friends ලා add කරගත හැකියි.

මගේ username එක pasan hive. කැමති අය ඉන්නවානම් මාවත් add කරන්න.

Read More

නූතන යුගයේ ගුප්තජනකම අභිරහස - Dyatlov Pass Incident

රුසියාවේ යූරල් කඳුකරයේදී 1959 වර්ශයේදී සිදුවූ අද්භූත සිදුවීමක් ලොව පුරා "The Dyatlov Pass Incident" නමින් ප්‍රසිද්ධියට පත් උනා. කඳු නගින්නන් දස දෙනෙකුගෙන් සැදුම්ලත් කණ්ඩාමයකින් නව දෙනෙකු පැහැදිලි කරගත නොහැකි වූ අද්භූත ආකාරයකින් මිය ගියා. සෙල්සියස් අංශක -30 ක තරම් අඩු උෂ්ණත්වයක් සහිත තත්වයකදී අති දුශ්කර ගමනක නිරතව සිටියදීයි මොවුන්ට මරණයට මුහුණ දෙන්නට සිදු උනේ. 1959 පෙබරවාරි 2 වනදා රාත්‍රියේ මෙම කණ්ඩායමේ සාමාජිකයන් ඔවුන් නිදා සිටි කූඩාරම ඇතුලතින් ඉරාගෙන එලියට පැමිණ අධික ශීතල හිම කතරේ දුවගොස් තිබුනේ ඔවුන් රාත්‍රියට ඇඳ සිටි ඇඳුම් පිටින්මයි.

සති තුනකට පසුව කණ්ඩායමේ සාමාජිකයන් පස් දෙනෙකුගේ මළසිරුරු ඔවුන් නවාතැන් ගෙන සිටි කඳවුරේ (කූඩාරමේ) සිට මීටර් සිය ගණනක් පහලින් වූ බෑවුමක තිබී හමු උනා. ඉතිරි සාමාජිකයන් සිව් දෙනාගේ මළ සිරුරු සොයාගැනීමට සෝදිසි මෙහෙයුම් වල නිරත වූවන් හට තවත් මාස දෙකක් ගත උනා. පුදුමයකට මෙන් මෙම සිව්දෙනාම සම්පූර්ණ ඇඳුම් වලින් සැරසී සිට තිබෙනවා. පසුව කල පරීක්ෂණ වලින් මොවුන්ගේ ඇඳුම්වල අධික විකිරණශීලීතාවයක් තිබෙන බව සොයා ගනු ලැබුවා. එමෙන්ම මොවුන්ගෙන් සමහරක් අයගේ අස්ථි සහ හිස් කබල් බිඳී තිබෙන බවත් අනාවරණය උනා. මෙම කාරණා දෙක හැරුණු කොට අපරාධයක් සිදුවූ බවට වෙනත් සාක්ෂි නොමැති බව පවසමින් රුසියානු බලධාරීන් ඉක්මනින්ම පරීක්ෂණ කටයුතු අතහැර දමනු ලැබුවා.

කණ්ඩායමේ සාමාජිකයන් සිව්දෙනෙක්

කඳු නගින්නන්, යූරල් ප්‍රාන්ත තාක්ෂණික විශ්වවිද්‍යාලයේ සිසුන්ගෙන් සැදුම් ලත් කණ්ඩායමක්. මොවුන් සියල්ලන්ම කඳු තරණයෙහි ලා හොඳ අත්දැකීම් තිබූ අය. මෙම ගමන සංවිධානය කලේ 23 හැවිරිදි ඉගෝර් ඩයාට්ලෝව් විසින්. අරමුණ යූරල් කඳුවැටියේ ඔර්ටෝටන් කඳු ශිඛර ගවේෂණය කිරීමයි. ගමන ආරම්භ කලේ 1959 ජනවාරි 28 වන දිනයි. මෙම සිදුවීමෙන් දිවි ගලවාගත් එකම පුද්ගලයා වූ යූරි යුඩින් කඳුවැටිය කරා එන ගමනේදී අසනීප විය. එම හේතුවෙන් ඔහු අතරමග ගම්මානයක නතර විය. අනෙකුත් සාමාජිකයන් නව දෙනා දිගටම ගමනේ නිරත වූහ.

දිවි ගලවාගත් එකම තැනැත්තා යූරි යුඩීන්, කණ්ඩායමෙන් වෙන්වූ මොහොතේදී ලුඩ්මිනා ඩුබිනිනා විසින් වැළඳගත් අයුරු. පසෙකින් බලා සිටින්නේ කණ්ඩායම් නායක ඉගෝර් ඩයාට්ලෝව්.

කඳු නගින්නන් කණ්ඩායම පෙබරවාරි දෙවනදා සැන්දෑ භාගය එළඹෙද්දී ඔර්ටෝටන් කන්දට ආසන්නයේ පිහිටි කන්දක කඳවුරු තැනූහ. මේ බව සනාථ වූයේ පසුව හමුවූ කඳු නගින්නන් කණ්ඩායමේ කැමරාවක සටහන් වූ ඡායාරූපයකිනි.

පෙබරවාරි 2 වනදා සවස කඳවුරු ගසන කණ්ඩායම

මොවුන් කඳවුරු ගැසූ කන්ද මෙම පළාතේ මිනිසුන් හඳුන්වන්නේ "Kholat Syakhl" නමින්. මෙහි අරුත මරණයේ කඳුකරය යන්නයි. මොවුන් කූඩාරම් ගැසීමට මෙම ස්ථානය තෝරාගත්තේ ඇයිද යන්න ගැටලුවක්. මන්ද මෙතැනට සැතපුමක් පමණ ඈතින් කැලෑබද පෙදෙසක් තිබෙන බැවින්. කලෑබද පෙදෙස පසුකර ඉදිරියට නොගියානම් නැතහොත් මෙම ප්‍රදේශය දක්වා ආපසු පැමිණියානම් ඔවුන්ට අධික ශීතල කාලගුණ තත්වයට අමතර ආවරණයක් ලබා ගැනීමට හැකියාව තිබුනා. පසුව සොයාගත් ඡායාරූප වලින් පෙනීගිය ආකාරයට ඔවුන්ට කාලය පිළිබඳ ගැටලුවකුත් තිබී නැහැ. එසේනම් වැඩි ආවරණයක් සහිත කලෑබද පෙදෙසට නොගොස් කඳු බෑවුමේ කූඩාරම් තැනුවේ ඇයිද යන්න ගැටලුකාරී තත්වයක් නමුත් එය එතරම්ම දරුණු ලෙස සැළකිල්ලට ගතයුතු තත්වයකුත් නොවෙයි.

"ආපසු පැමිණ තමන් ආවරණය කල දුර ප්‍රමාණයේ වාසිය අඩුකර ගැනීමට ඩයාට්ලෝව් අකමැති වූවා වන්නට පුලුවන්. නැතිනම් කඳු බෑවුමක කඳවුරු ගසා අත්දැකීම් ලබා ගැනීමට ඔහුට උවමනා වූවා වන්නටත් පුලුවන්." යූරි යුඩීන් විසින් පසුකාලීනව මේ සම්බන්ධව අදහස් ප්‍රකාශ කරමින් පවසා තිබෙනවා.

මෙම කඳවුර ගමනාන්තයට ළඟාවීමට පෙර ඔවුන්ගේ අවසන් කඳවුර වීමට නියමිතව තිබුනා. පෙබරවාරි 12 වන දින වනවිට ඔවුන් ආපසු පැමිණීමට බලාපොරොත්තු වන බව ඩයාට්ලෝව් ගමන ආරම්භ කිරීමට පෙර පවසා තිබුනා. නමුත් තමන් මීට වඩා ප්‍රමාද විය හැකි බවත් ඔහු විසින් පවසා තිබුනා. එමනිසා යම් අනතුරක් පිළිබඳ අදහස් මතු වන්නට පටන් ගත්තේ පෙබරවාරි 20 වන දින පමණ වන විටයි. 26 වන දින මොවුන්ගේ කඳවුර සොයා ගැනීමට සෝදිසි කණ්ඩායම් සමත් විය.

කඳු නගින්නන්ගේ කූඩාරම 1959 පෙබරවාරි 26 වන දින සොයාගන්නා විට තිබූ ආකාරය

පසුව මෙම ස්ථානය පරීක්ෂා කල බලධාරීන් කූඩාරම ඇතුල් පැත්තෙන් කපා ඉරා දමා ඇති බව සොයාගනු ලැබුවා. එසේම කූඩාරමෙන් එලියට දිවෙන පුද්ගලයන් අට දෙනෙකුගේ හෝ නම දෙනෙකුගේ පා සටහන්ද සොයා ගනු ලැබුවා. මෙම පා සටහන් යොමුවී තිබුනේ කැලෑබද ප්‍රදේශය දෙසටයි  (කඳු බෑවුම දෙසට ). සෝදිසි කණ්ඩායම් සොයාගත් පරිදි කඳු නගින්නන් ඔවුන්ගේ පාවහන් කූඩාරමේ දමා දිවගොස් තිබෙනවා. සමහර අය මේස් පැළඳ සිට ඇති අතර අනෙක් අය නිරුවත් පාද වලිනුයි දිවගොස් තිබෙන්නේ. මෙයින් කියවෙන්නේ තමන් නිදා සිටි කූඩාරම කපා දමා පාවහන් පැළඳීමටවත් පමානොවී අධික ශීතල හිම කතරට පැන ඔවුන් දිවගොස් ඇති බවයි. එසේම වෙනත් පිටස්තර පුද්ගලයන් පැමිණි බවට එකදු සළකුණක්වත් නොමැති අතර කණ්ඩායමේ සාමාජිකයන් අතර ප්‍රශ්නයක් ඇතිවූ බවටත් සාක්ෂි නැහැ.

සෝදිසි කණ්ඩායම් සෝදිසියේ නිරත වෙමින්

පළමු මළසිරුරු දෙක හමුවූයේ කැලෑබද පෙදෙස ආරම්භ වන ස්ථානයේ පයින් ගසක් යට තිබියදීයි. මෙම කැලෑබද පෙදෙස ඇත්තේ කූඩාරමේ සිට සැතපුමක් පමණ දුරින් වන අතර මෙම දුරින් තුනෙන් එකක පමණ දුරක් යනවිට පා සටහන් අතුරුදහන් වී තිබුනා. මෙයට හේතුව සෝදිසි කණ්ඩායම් පැමිණි කාලය වනවිට අලුතින් හිම පතනය වීම වන්නට පුලුවන්. මෙම මළසිරුරු දෙකෙහිම යට ඇඳුම් පමණක් දක්නට ලැබුනු අතර දෙදෙනාම පාවහන් වත් මේස්වත් පැළඳ සිට නැහැ. වාර්තා වලට අනුව මළසිරුරු හමුවූ ස්ථානය ආසන්නයේ පිහිටි ගසේ ඉහළ අතු කඩාවැටී තිබෙනවා. මෙයින් ඇඟවෙන්නේ කෙනෙකු ගසේ නගින්නට උත්සාහ දරා ඇති බවයි. එමෙන්ම මීට ආසන්නයේ ගිනිගොඩක සළකුණුද දක්නට ලැබී තිබෙනවා.

කණ්ඩායම් නායක ඉගෝර් ඩයාට්ලෝව්

තවත් මළසිරුරු තුනක් මෙම ස්ථානයත් කඳවුරත් අතරමැද ස්ථාන වල තිබී හමුවී තිබෙනවා. කණ්ඩායම් නායක ඩයාට්ලෝව්ගේ මළ සිරුරත් මීට ඇතුලත්. මළසිරුරු වැටී තිබූ ආකාරය අනුව තීරණය වූයේ ඔවුන් නැවතත් කඳවුර දෙසට ගමන් කරන්නට ඇති බවයි. මින් එක් මළසිරුරක හිස් කබල බිඳීගොස් තිබූ අතර එය එතරම්ම බරපතල එකක් නොවන බව වෛද්‍ය මතය උනා. මේ සම්බන්ධ අපරාධ පරීක්ෂණ කටයුතු නතර වූයේ මොවුන් පස් දෙනාම 'හයිපොතර්මියා' තත්වයෙන් (ශරීරයේ ක්‍රියාකාරිත්වයට අවශ්‍ය කරන උෂ්ණත්වයට වඩා පහත උෂ්ණත්වයකට පත්වීම ) මියගිය බවට වෛද්‍යවරු නිගමනය කල පසුවයි.

ඉතිරි මළසිරුරු හතර සොයාගැනීමට තවත් මාස දෙකක කාලයක් ගත විය. අවසානයේදී මෙම මළසිරුරු සොයාගත්තේ පෙරකී ගසේ සිට තවත් අඩි සිය ගණනක් පහළ බෑවුමේ පිහිටි ඇගිලියක අඩි 12ක් පමණ ගැඹුරු හිම තට්ටුවකින් වැසී තිබියදීයි. මොවුන් සිව් දෙනාම භයානක මරණයකට මුහුණදී තිබුනා. එක් අයෙකුගේ (නිකොලස් තයිබෝ-බ්‍රිග්නොලෙල්) හිස් කබල බිඳීගොස් තිබුනි. තවත් අයෙකුගේ (ඇලෙක්සැන්ඩර් සොලොටැරියෝව්) ඉළඇට බිඳී තිබුනි. තවත් අයෙකුගේ (ලුඩ්මිලා ඩුබිනිනා) ඉළඇට බිඳී තිබීමට අමතරව තවත් පුදුමාකර යමක් සිදුව තිබුනි. එනම් ඇයගේ දිව අතුරුදහන්ව තිබුනි.

මොවුන් සිව්දෙනා උදව් සොයා ගමන් කල බවට සැකයක් නැහැ. මෙසේ ගමන් කරද්දී මොවුන් ඇගිලියට ඇද වැටුනා වන්නට පුලුවන්. නමුත් ඩුබිනිනාගේ දිව අතුරුදහන් වූයේ කෙසේද යන්න විශාල ගැටලුවක්. මොවුන්ට කඳුකර වැසියන් පහරදෙන්නට ඇතැයි සමහරුන් මත පල කරනවා. නමුත් මළසිරුරුවල දක්නට තිබූ අස්ථි බිඳීම් මිනිසෙකුට පහරදී සිදුකල නොහැකි ආකාරයේ ඒවා බවට වෛද්‍ය වරු ප්‍රකාශ කලා. ඒ මළසිරුරු වල අස්ථි බිඳී ගොස් තිබුනත් පිටතින් විශාල තුවාල දක්නට නොතිබූ බැවින්.

"මෙම තුවාල හරියට මෝටර් රථ අනතුරකින් ඇතිවන ඒවා වගෙයි." සිදුවීම සම්බන්ධව ක්‍රියාකල වෛද්‍යවරයෙකු වන බොරිස් වොසොස්ඩෙනි පවසනවා.

අවසන් සිව් දෙනා මුල් පස් දෙනාට වඩා හොඳින් හැඳ පැළඳ සිට තිබෙනවා. පෙනීයන ආකාරයට ඔවුන්ගේ ගමන අතරතුරේදී ඔවුන් මුලින් මියගිය අයගේ ඇඳුම් ගලවාගෙන තිබෙනවා. අභිරහසේ තත්වය තවත් උග්‍ර වන්නේ අවසන් සිව්දෙනාගේ ඇඳුම් වල විකිරණශීලි තත්වයක් පෙන්නුම් කිරීම නිසාවෙන්. මෙම විකිරණශීලීතාවය හැරුනු කොට මෙම සිදුවීම් පෙලට විද්‍යාත්මක පැහැදිලි කිරීමක් කරන්නට පුලුවන්. එනම් මොවුන් 'හයිපොතර්මියා' රෝගයට (තත්වයට ) ගොදුරු වන්නට ඇති බවයි. මෙය සිදුවූ ආකාරයටත් පැහැදිලි කිරීමක් තිබෙනවා. මොවුන් කඳවුරු ගසා තිබුනේ කඳු බෑවුමකයි. මොවුන් රාත්‍රියේ කූඩාරම තුල නිදා සිටින විට සිදුවූ හිමධාවයකින් මොවුන්ගේ කූඩාරම වැසී යාම නිසා මොවුන් අධික ශීතලකට නිරාවරණය වූවා වන්නට පුලුවන්. (හිමධාවයක් යනු කඳු මුදුනක සිට බෑවුම් දිගේ හිම කඩා වැටෙන තත්වයක්.) මෙසේ හිමෙන් වැසී සිටි කාලය තුල මොවුන් හයිපොර්තමියා තත්වයට ගොදුරු වූවා වන්නට පුලුවන්. මෙය හදිසියේම කූඩාරම කපාගෙන එලියට පැන දිවීමටත් ගැලපෙන පැහැදිලි කිරීමක් වන අතර පස් දෙනෙකුගේම මරණයට හේතුව හයිපොර්තර්මියා බව නිගමනය වීමත් මෙම මතයට හොඳින් ගැලපෙනවා.

කෙසේ වෙතත් විකිරණශීලිතවයක් ඇඳුම් වල දක්නට ලැබීම නම් අමුතුම සිදුවීමක්. එමෙන්ම මේ සම්බන්ධව පරීක්ෂණ කටයුතු ඉදිරියට ගෙන නොයාමට ගත් තීරණයත් සැක සහිතයි. එමෙන්ම මෙම සිදුවීම සිදුවූ කාල සීමාවේ මෙම ප්‍රදේශය ආශ්‍රිතව තවත් පුදුමාකාර සිදුවීමක් සිදුව තිබෙනවා. එනම් මෙම ප්‍රදේශයේ අහසේ දිලිසෙන පියාඹන පීරිසි දුටු බවට විවිධ ප්‍රකාශ ඉදිරිපත් වීමයි. මේ සිදුවීම සම්බන්ධව පරීක්ෂණ කටයුතු මෙහෙයවූ ප්‍රධානියා වන ලෙව් ඉවනොව් මේ ගැන මෙසේ ප්‍රකාශ කර තිබුනා. "මම මුල සිටම සැක කලා මෙම පියාඹන පීරිසි මොවුන්ගේ මරණ සමග කෙලින්ම සම්බන්ධ බවට. දැන්නම් මට ඒ ගැන සැකයක් නැහැ." මොහු මෙසේ පැවසුවේ විකිරණශීලීතාවය සම්බන්ධ කාරණා එලිවීම නිසා. එසේම පරීක්ෂණ කටයුතු නවතා දමන ලෙසට සෝවියට් බළධාරීන්ගෙන් නියෝග ලැබුන බවටත් ඔහු පවසා තිබෙනවා.

කඳු නගින්නන් කණ්ඩායම සෝවියට් හමුදා පරීක්ෂණ කඳවුරක් වෙත අහම්බෙන් පැමිණෙන්නට ඇති බවටත් එහිදී හසුවූ ඔවුන්ව මරා දමන්නට ඇති බවටත් අදහස් පළවී තිබෙනවා. විකිරණශීලීතාවය සම්බන්ධ කාරණා ගැන මෙමගින් පැහැදිලි කලහැකි වුවත් මළසිරුරුවල අස්ථි බිඳීයාම් ගැන මෙමගින් පහදන්නට බැහැ.

මෙම කඳුකරය සම්බන්ධව තවත් පුදුමාකාර කරුණක් තිබෙනවා. අංක නවය මෙම කඳුකරයේ සිදුවූ බේදවාචක තුනකදීම සඳහන් වෙනවා. පුරාණ ජනකතා වල මෙහි ස්වදේශිකයන් නව දෙනෙකු මියයාමේ සිද්ධියක් වාර්තා වෙනවා. මෙම කඳු නගින්නන්ගේ සිදුවීමේදීත් මියගිය ගණන නවයක්. එසේම 1991 වසරේදී සිදුවූ ගුවන් අනතුරකිනුත් පුද්ගලයන් නව දෙනෙකු ජීවිතක්ෂයට පත් උනා.







හිමධාවයක් සම්බන්ධ කරගෙන කර ඇති පැහැදිලි කිරීම වඩාත්ම පිළිගත හැකි පැහැදිලි කිරීමයි. නමුත් මෙම ලෝකයේ අප නොදන්නා අත් නොදුටු දේවල් කොපමණ නම් තිබේද? හරියටම සිදුවූයේ කුමක්දැයි දන්නේ කඳු නගින්නන් නම දෙනා පමණි. ඔවුන් සමගම ඔවුන්ගේ මරණයේ රහස වැළලී ගොසිනි.

ජීවිතක්ෂයට පත්වූ කඳු නගින්නන් සිහි කිරීමට තැනූ ස්මාරකයක්

මෙම සිදුවීම සම්බන්ධ කරගෙන පසුගිය වසරේදී "The Dyatlov Pass Incident" නමින් චිත්‍රපටයක්ද නිර්මාණය කෙරුනා. මෙම චිත්‍රපටයත් ඉතා හොඳ රසවිඳින්නට හැකි චිත්‍රපටයක්. මෙම සිදුවීම සම්බන්ධව උනන්දුවක් දක්වන අය නැරඹිය යුතුම චිත්‍රපටයක් විදිහට මෙම චිත්‍රපටය හඳුන්වන්නට පුලුවන්.

Read More

සිව්වැනි මානය හා කාල තරණය

බ්‍රිතාන්‍ය ජාතික ලේඛක H.G. Wells විසින් 1895දී රචනා කරන ලද කාල තරණය තේමා කොටගත් විද්‍යා ප්‍රබන්ධ නවකතාවක් වන "The Time Machine" ප්‍රකාශයට පත් වීමත් සමගම මිනිසාට කාලය හරහා අතීතයට හෝ අනාගතයට ගමන් කල හැකිදැයි යන්න ගැන බොහෝ දෙනාගේ අවධානය යොමු වන්නට පටන් ගත්තා. මෙසේ ඇරඹුණු කාල තරණ සංකල්පය පසුගිය සියවසේදී වැඩි වශයෙන්ම කතාබහට ලක්වූ මාතෘකා වලින් එකක්.

1905 වර්ශයේදී ඇල්බට් අයින්ස්ටයින් ඔහුගේ සාපේක්ෂතාවාදය පිළිබඳ විශේෂිත මූලධර්මය ඉදිරිපත් කරමින් කාලය හා අවකාශය සෑමවිටම එකිනෙක බැඳී පවතින බවත් අවකාශයෙන් තොරව කාලයත්, කාලයෙන් තොරව අවකාශයත් පැවතිය නොහැකි බවට ප්‍රකාශ කලා. අයින්ස්ටයින්ගේ අවකාශ-කාල සංකල්පයට අනුව අවකාශයේ මාන හතරක් ගැන සඳහන් වේ. දිග, පළල සහ උස ප්‍රථම මාන තුන වන අතර කාලය සිව්වන මානයයි. මෙයින් ප්‍රථම මාන තුන හරහාම අපට උවමනා ආකාරයට ගමන් කලහැකි අතර සිව්වන මානය වන කාලය හරහා අපට උවමනා ආකාරයට ගමන් කල නොහැක (අද වන තෙක්). (කාල තරණය අප සියලු දෙනාම අත් දකිනා නොවැළැක්විය හැකි ක්‍රියාවකි. අපි සෑම විටම කාලය නම් මානය හරහා පැයකට එක් පැයක වේගයකින් ගමන් කරමින් සිටින්නෙමු. නමුත් සාමාන්‍යයෙන් කාල තරණය යනුවෙන් හඳුන්වන්නේ මෙම වේගයට වඩා වෙනස් වූ වේගයකින් කාලය හරහා ගමන් කිරීමයි.) අධික වේගයකින් (ආලෝකයේ වේගයට ඉතා ආසන්න හෝ ආලෝකය වේගය ඉක්මවා ගිය වේගයක්) ගමන් කරනා රාමුවකදී කාලය ගතවීමේ වේගය පෘථිවියේදී කාලය ගතවීමේ වේගයට වඩා අඩු බව අයින්ස්ටයින් සඳහන් කර ඇත.මෙහිදී පෘථිවිය අධික වේගයෙන් ගමන් ගන්නා රාමුවට සාපේක්ශව නිශ්චල රාමුවක් ලෙස සලකනු ලැබේ.එනම් ආලෝකයේ වේගයෙන් (තත්පරයට කිලෝමීටර් 300,000ක්) ගමන් කිරීමෙන් අපට අනාගතයට ගමන් කල හැක. නමුත් රාමු දෙකේ සිටින කිසිවෙකුටත් කාලය ගතවීමේ වෙනසක් දැනෙන්නේ නැත.

ඔබ වයස අවුරුදු 20දී ආලෝකයේ වේගය මෙන් 99.5% වේගයකින් ගමන් කරන අභ්‍යවකාශ යානයක ගමන් ආරම්භ කලේ යයි සිතන්න. අභ්‍යවකාශ යානයේ ඇති ඔරලෝසුවක් භාවිතයෙන් කාලය මනිනා ඔබ හරියටම වසර 5කට පසුව නැවතත් පෘථිවියට පැමිණේ. එවිට ඔබගේ වයස අවුරුදු 25ක් වන අතර ඔබ ගමන් ආරම්භ කරන විට ඔබගේ සම වයසේ සිටියෙකු ඔබ නැවත පැමිණෙන විට වයස්ගත පුද්ගලයෙකු බවට පත්ව ඇති ආකාරය ඔබට දැකගත හැකිවනු ඇත. (නැතහොත් ඔවුන් මියගොස් පරම්පරා ගණනක් ගතවී තිබෙන්නටද පුලුවන.) එනම් ඔබ අභ්‍යවකාශ යානය හරහා පෘථිවියේ අනාගතයට ගමන් කර ඇත.

නමුත් මෙවැනි වේගයක් ප්‍රායෝගිකව තවමත් ළඟාකරගෙන නැත. නමුත් සෛද්ධාන්තිකව මෙම තත්වය පිළිගෙන ඇත. කෙසේ වෙතත් අයින්ස්ටයින් විසින් ඉදිරිපත් කල සාපේක්ෂතාවාදයේ එන තවත් සංකල්පයක් වෙයි. එනම් කිසිම විශ්වීය වස්තුවකට ආලෝකයේ වේගය ඉක්මවා යා නොහැකි බවයි. එනම් අප ආලෝකයේ වේගයට ඉතා ආසන්න වේගයක් ළඟාකරගත්තද අපට අනාගතයට ගමන් කලහැකි වන්නේ එක්තරා කාලසීමාවක් දක්වා පමණි. අපට අනාගතයට ගමන් කිරීමේ ශක්‍යතාවයක් (හැකියාවක්) ඇත. නමුත් අතීතයට ගමන් කිරීම සම්බන්ධව ගැටලුකාරී තත්වයක් ඇත.

බොහෝ දුරට අතීතයට ගමන් කිරීම කල නොහැක්කක් තරම් වන තත්වයකි ඇත්තේ. කළු කුහර හරහා අතීතයට යා හැකි බවට මතයක් පවතී. කළු කුහර අවකාශ-කාල තත්ව දෙකක් සම්බන්ධ කරන උමං මාර්ග ලෙස ක්‍රියාකරන බවට මතයක් ඇත. නමුත් මේවා තවමත් ඇත්තේ සංකල්ප තත්වයේය. මෙම මතවාද නිවැරදි බවට පිළිගත හැකි සාක්ෂි තවමත් ඉදිරිපත් වී නොමැත.

විද්‍යාවේ දියුණුවත් සමග ආලෝකයේ වේගයට ආසන්න වේගයෙන් ගමන් කල හැකි අභ්‍යවකාශ යානයක් නිපදවුවත් එහි ගමන් කිරීමට කෙනෙකු ඉදිරිපත් වීමට තීරණය කරයි නම් ඔහුට ඒ තීරණය අතිශය අපහසු තීරණයක් වනු ඇත. මන්දයත් මෙම මූලධර්මයට අනුව කාලයේ ආපසු ගමන් කිරීම සිදු කල නොහැක්කක් බැවිනි. එනම් අනාගතයට ගමන් කරනා කෙනෙකුට ආපසු ඒමක් නැත. අනාගතයේ ඇත්තේ කුමන ආකාරයේ තත්වයක් වුවත් එය පිළිගැනීමට ඔහුට සිදු වෙනවා ඇත.

Read More

ද්‍රව ශ්වසනය

ගොඩබිම වෙසෙන සියලුම සතුන් අවුරුදු දස දහස් ගණනක් තිස්සේ ජීවයේ උපතේ සිට මේ වන තුරුත් ශ්වසන ක්‍රියාවලිය සිදුකලේ එකම ආකාරයකටයි. ජලයේ වෙසෙන ජීවින් හැරෙන්නට අනෙකුත් සියලුම ජීවින්ගේ ශ්වසන පද්ධතිය හැඩ ගැසී තිබෙන්නේ වාතයෙන් (වායුගෝලයෙන්) පමණක් ශ්වසනයට අවශ්‍ය කරන ඔක්සිජන් ලබාගත හැකිවන අයුරෙනුයි. ජලය තුල ඔක්සිජන් අන්තර්ගත වුවත් එම ඔක්සිජන් ආශ්වාස කිරීමට හැකියාවක් ගොඩබිම වෙසෙන සතුන්ට නැහැ. එම හැකියාව ඇත්තේ ජලයේ ජීවත් වන සතුන්ට පමණයි. එම නිසා මිනිසා ඇතුලු සියලුම සතුන්ට ජලය තුල රැඳී සිටිය හැක්කේ තමන්ගේ හුස්ම හිරකර තබාගත හැකි කාලය පමණයි. එම නිසා ජලයේ කිමිදීමේදී පහළට යා හැකි දුර ප්‍රමාණය සීමා සහිත උනා. ඔක්සිජන් ටැංකි සහිත කිමිදුම් කට්ටල භාවිතාවට ඒමත් සමග කිමිදුම් කලාවේ නිම් වළලු පුළුල් වුවත් කිමිදිය හැකි ගැඹුර නම් සීමා සහිත උනා. මෙයට හේතුව වන්නේ ජලය තුල ගැඹුරට යාමත් සමග ඇතිවන අධික පීඩනයයි.

ඔක්සිජන් සහිත කිමිදුම් කට්ටලයක් පැළඳ මිනිසාට කිමිදිය හැක්කේ අඩි 330ක උපරිම ගැඹුරක් දක්වා පමණයි. මෙම මට්ටමේදී කිමිදුම්කරුවා මත ජලයෙන් ඇති කරන පීඩනය වායුගෝල පීඩන 10ක් පමණ වනවා. මෙම පීඩන තත්වයේ විනාඩි 5කට වඩා සිටියහොත් පෙනහළු තුල ඇති නයිට්‍රජන් වායුව කිමිදුම්කරුවාගේ පටක තුලට ද්‍රවණය වීමට පටන් ගන්නවා. (කිමිදුම් කරුවන් රැගෙන යන ඔක්සිජන් ටැංකි සමන්විත වන්නේ තනිකරම ඔක්සිජන් වලින් පමණක් නොවේ. 100% ඔක්සිජන් ආශ්වාස කිරීම විශ සහිත බැවින් මෙම ඔක්සිජන් ටැංකි තුලට වෙනත් වායූන්ද එකතු කෙරෙනවා. බොහෝවිට මෙසේ එක් කෙරෙන වායුව නයිට්‍රජන් වන අතර මීට අමතරව හීලියම්ද භාවිතා කෙරෙනවා.) මෙසේ ඇතුල් වන නයිට්‍රජන් වායුව රුධිර නාල තුලට ඇතුළු වීම නිසා කිමිදුම්කරුවාට මුහුණදීමට සිදුවන්නේ භයානක මරණයකටයි.

මීට අමතරව මීටත් වඩා ගැඹුරකදී කිමිදුම්කරුවාගේ පෙනහළු පුපුරා යාමකට ලක්වන්නට පුලුවන්. ඒ පෙනහළු තුල ඇති වාතයේ හා පිටත ඇති ජලය අතර ඇති අධික පීඩන වෙනස නිසා. පෙනහළු තුලත් ජලය (හෝ වනත් ද්‍රවයක්) ඇත්නම් මෙසේ පෙනහළු පුපුරා යාම වැළක්විය හැකියි. නමුත් ප්‍රශ්නය වන්නේ පෙනහළු තුලට ජලය ඇතුලු වුවහොත් හුස්ම හිරවී කිමිදුම්කරුවා මියයාමයි. ඒ මිනිසාගේ පෙනහළු ජලයේ ඇති ඔක්සිජන් ලබාගත හැකි ආකාරයට සකස් වී නොමැති නිසාවෙන්. කෙසේ වෙතත් ද්‍රවයක් ආශ්වාස ප්‍රාශ්වාස කිරීමට මිනිසාට හැකිදැයි සොයා විද්‍යාත්මක පරීක්ෂණ සිදු කෙරෙන්නේ සෑහෙන කාලයක සිටයි.

මිනිසාගේ ශ්වසන මාධ්‍යය කුමත් වුවත් එයට කාරණා දෙකක් ඉතාමත් හොඳින් සිදුකල හැකි විය යුතුයි. ප්‍රථම කරුණ නම් මිනිසාට අවශ්‍ය කරන ඔක්සිජන් ප්‍රමාණය එම මාධ්‍යය මගින් පෙනහළු වලට සැපයිය යුතුයි. දෙවැන්න නම් පෙනහළු වල ඇති කාබන් ඩයොක්සයිඩ් ඉවත් කිරීමයි. වාතය මෙම කාර්යයන් දෙකම ඉතාමත් හොඳින් ඉටු කරනවා. මෙම කාර්යයන් දෙකම සෑහෙන තරම් දුරට හොඳින් සිදුකල හැකි ද්‍රවයක් ඇත්නම් එය ශ්වසන මාධ්‍යය ලෙසින් භාවිතා කලහැකි වියයුතුයි.

ද්‍රව ශ්වසනය පිළිබඳ පළමු අත්හදාබැලීම සිදුකර ඇත්තේ 1962 වසරේදී ඩියුක් විශ්ව විද්‍යාලයේ අචාර්ය ජොහැනස් A. කිල්ස්ට්‍රා සහ ඔහුගේ පරීක්ෂණ කණ්ඩායම විසින්. මෙහිදී අධික ද්‍රාවිත ඔක්සිජන් ප්‍රතිශතයක් ඇති ලවණ ද්‍රාවණයක් මීයන්ට ආශ්වාස කිරීමට සළස්වනු ලැබුවා. මෙම මීයන් යම්කිසි කෙටි කාලයක් පණ රැකගන්නට සමත් වුවත් ඔවුන් මියයාම වළකන්නට බැරි උනා. මෙම ද්‍රාවණය ශරීරයට අවශ්‍ය කරන ඔක්සිජන් ප්‍රමාණවත් තරමින් සැපයුවත් කාබන් ඩයොක්සයිඩ් පිට කිරීමේ ක්‍රියාවලිය සිදුකිරීමට මෙම ද්‍රාවණයට නොහැකි උනා. මෙම නිසා පෙනහළු වලට ඇතිවූ හානිය මගින් මීයන් මියගියා.

මීට වසර කීපයකට පසුව විද්‍යාඥයන් විසින් ෆ්ලූවොරිනීකරණය කරන ලද හයිඩ්‍රොකාබන් ද්‍රව ශ්වසන මාධ්‍යය ලෙස භාවිතා කරමින් පරීක්ෂණ කටයුතු සිදු කිරීම ආරම්භ කලා. මෙම ද්‍රවයේ ඔක්සිජන් හා කාබන්ඩයොක්සයිඩ් යන වායූන් දෙකම හොදින් ද්‍රවණය වනවා. මෙහිදීද මීයන් යොදාගෙන පරීක්ෂණ කටයුතු සිදු කල අතර මෙම පරීක්ෂණ වලදී ලද ප්‍රතිපල ඔක්සිජනීකරණය කරන ලද ලවණ ද්‍රාවණ යොදාගෙන සිදු කල මුල් පරීක්ෂණයට වඩා සෑහෙන තරම් සුභවාදී උනා. මෙහිදී යොදාගත් මීයන් ද්‍රාවණයෙන් පිටතට ගත් පසුද සාමාන්‍ය පරිදි ශ්වසන ක්‍රියාවලියේ නිරත වීමට සමත් උනා. ඉන් පසුව ගතවූ දශක ගණනාව තුලදී මෙම ශ්වසනය කලහැකි ද්‍රාවණයේ, එනම් පර්ෆ්ලෝරෝකාබන් (PFC) වල සංයුතීන් විවිධ අත්හදා බැලීම් වලින් අනතුරුව වෙනස් වෙමින් පැමිණ අදවන විට මේ සඳහා වන හොඳම ද්‍රාවණය ලෙස පර්ෆ්ලූබ්‍රෝන් (perflubron) හඳුනා ගෙන තිබෙනවා. මෙය 'ලික්විවෙන්ට්' (LiquiVent) ලෙසින්ද හැඳින්වෙනවා. තෙල් ගතියකින් යුත් පැහැදිලි ද්‍රාවණයක් වන මෙම ද්‍රාවණයේ ඝණත්වය ජලයේ ඝණත්වය මෙන් දෙගුණයක් වනවා. සාමාන්‍ය වාතයට වඩා දෙගුණයක් තරම් ඔක්සිජන් ප්‍රමාණයක් (ඒකක පරිමාවකට ) මෙම ද්‍රාවණයේ අන්තර්ගතයි. එමෙන්ම මෙම ද්‍රවය නිශ්ක්‍රීය ද්‍රවයක්. එමනිසා මෙමගින් පෙනහළු වලට හානියක් සිදුවීමට ඇති ඉඩකඩ ඉතා අල්පයි. මෙම ද්‍රවයේ තාපාංකය ඉතා පහළ අගයක් ගන්නා බැවින් වාශ්පීකරණය මගින් මෙම ද්‍රවය පහසුවෙන්ම පෙනහළු වලින් ඉවත් කරන්නට පුලුවන්.

1989 වර්ශයේදී ෆිලඩෙල්ෆියා හිදී මිනිසුන් යොදාගෙන පරීක්ෂණ කටයුතු සිදු කෙරුනු අතර මෙමගින් සෑහෙන දුරට යහපත් ප්‍රතිපල ලැබුනා. මව් කුස තුල සිටිනා කුඩා බිළිඳුන්ගේ ශ්වසන ක්‍රියාවලියද ද්‍රව මාධ්‍යයක සිදුවන අතර මෙම තත්වය කෘතිමව ඇති කලහැකිද යන්නද මෙහිදී පරීක්ෂණයට භාජනය උනා. මෙහිදී 100% සාර්ථක ප්‍රතිපල අත් නොවුනත් මෙමගින් පෙනහළු ක්‍රියාකාරිත්වයට හානි සිදු නොවීම ඉතා සුභවාදී ප්‍රතිපලයක් ලෙසට සැලකුනා.

ද්‍රව ශ්වසනයේදී මුහුණපානට වෙන ප්‍රධානම ගැටළුව වන්නේ ද්‍රව පෙනහළු තුලට ඇතුල් කිරීමේ සහ පිටකිරීමේ ක්‍රියාවලිය සිදු කිරීමට තරම් මිනිස් ශ්වසන පද්ධතිය ශක්තිමත් නොවීමයි. මෙම නිසා ශරීරයට ඔක්සිජන් ඇතුලු කිරීමේ හා කාබන් ඩයොක්සයිඩ් පිට කිරීමේ ක්‍රියාවලිය සිදුවන වේගය දරුණු ලෙස පහත වැටෙනවා. මෙම ද්‍රාවණය ඔක්සිජන් ලබාදීමට සහ කාබන්ඩයොක්සයිඩ් පිට කිරීමට කෙතරම් හොඳ හැකියාවක් දැක්වුවත් පෙනහළු වලට ක්‍රියාකාරි වියහැකි වේගය (ඔක්සිජන් ඇතුල් කිරීමට සහ කාබන්ඩයොක්සයිඩ් පිටකිරීමට ) පහත වැටීම නිසා මරණය සිදුවියහැකියි. මෙයට පිළිතුරු ලෙස බාහිර උපකාරක යන්ත්‍ර භාවිතා කිරීම සිදු කලද, ඉතා හොඳ නීරෝගී කිමිදුම්කරුවෙකු පවා ජලය තුල මෙම ක්‍රියාවලිය සිදුකරද්දී ඉතා ඉක්මනින් මහන්සි වීමකට ලක් වනවා. මෙම ගැටළුවටත් විසදුමක් සොයාගැනීමට නූතන විද්‍යාවට හැකියාව ලැබුනහොත් අඩි දහස් ගණනක් ගැඹුරු මුහුදු පතුලක් දක්වාම කිමිදීමට මිනිසාට හැකිවනවා නිසැකයි.

Read More

අපායේ දොරටුව

1971 වර්ශයේදී ටර්ක්මෙනිස්තානයේ ඩිවේස් ගම්මානයට යාබද කාන්තාරයේ ස්වාභාවික වායු නිධි සොයා සෝවියට් භූ විද්‍යාඥ කණ්ඩායමක් පරීක්ෂණ කටයුතු සිදු කරමින් සිටියහ. මොවුන්ට වායු නිධි සහිත ගුහාවක් හමු වූ අතර මෙම ගුහාව පරීක්ෂණ කටයුතු කරන අතරතුරේදී කඩා වැටුනේ විශ්කම්භය මීටර් 170ක් පමණ වන විවරයක් ඇති කරවමිනි. මෙම සිදුර තුලින් විෂ වායු පිටවනු ඇතැයි බිය වූ විද්‍යාඥ පිරිස මෙම සිදුරට ගිනි තැබුවේ එතුල ඇති මීතේන් වායු දහරාව පැය කිහිපයක් ඇතුළත ගිනි ගෙන අවසන් වනු ඇතැයි යන හැඟීමෙනි.

නමුත් මොවුන්ගේ බලාපොරොත්තු දරුණු ලෙස කඩකල මෙම ගිනි ජාලාව අද වනතුරුත් නොනිවී ඇවිලෙයි. සැතපුම් ගණනාවක් ඈතට පවා දිස්වන මෙම ගිනි විවරය ලොව පුරා ප්‍රචලිතව ඇත්තේ අපායේ දොරටුව නමිනි.

Read More

අරුම පුදුම ජල පැන්නුම - ජර්මනිය

සාමාන්‍යයෙන් අපි නිතරම අහන දකින පාලම් හදලා තියෙන්නේ වතුරට බහින්නේ නැතුව වතුර පාරකින් එගොඩ වෙන්න. නමුත් මේ කියන්න යන පාලම එවැනි සාමාන්‍ය පාලමක් නෙවෙයි. මේ පාලමේ විශේෂත්වයක් තියෙනවා. මේ පාලම යටින් වතුර ගලා බහිනවා වගේම මේ පාලම මතත් වතුර ගලා බහිනවා.

 ජර්මනියේ පිහිටා තිබෙන මේ පුදුමාකාර පාලම හඳුන්වන්නේ මැග්ඩබර්ග් ජල පැන්නුම නමින්. ජර්මනියේ එල්බෙ-හැවල් ඇළ මාර්ගය හා මිටෙලන්ඩ් ඇළ මාර්ගය මෙම ජල පැන්නුම මගින් සම්බන්ධ කෙරෙනවා. මෙමගින් බෝට්ටු හා නැව් වලට එල්බෙ ගඟ තරණය කිරීමට පහසුකම් සලසා දෙනවා. මීටර් 918ක් දිග මෙය ලෝකයේ දිගම නාව්‍ය ඇළ මාර්ගය ලෙසට සැළකෙනවා.

මැග්ඩබර්ග් ජල පැන්නුම නිර්මාණය කිරීමට පෙරාතුව එල්බෙ-හැවල් ඇළ මාර්ගය හා මිටෙලන්ඩ් ඇළ මාර්ගය මැගඩබර්ග් ආසන්න ස්ථානයකදීම එල්බෙ ගඟට එකතු උනත් ඇළ මාර්ග දෙක ගඟට එකතු වන්නේ ගඟේ දෙපසිනුයි. එම නිසා මෙම ඇළ මාර්ග දෙක හරහාම ගමන් කරනා නාවුක යාත්‍රා වලට එක් ඇළ මාර්ගයකින් පැමිණ එල්බෙ ගඟට වැටී අනෙක් ඇළ මාර්ගයට ඇතුල් වීම සඳහා කිලෝමීටර් 12ක දුරක් යාත්‍රා කලයුතු උනා. ඒ වගේම එල්බෙ ගඟේ පුළුල් ස්වාභාවය නිසා ජලය අඩු කාලයට මෙම ඇළ මාර්ග දිගේ නාවුක යාත්‍රා පැමිණුනත් ඒවාට එල්බෙ ගඟ හරහා යාත්‍රා කළ නොහැකි උනා. මැග්ඩබර්ග් ජල පැන්නුම නිර්මාණය කර ඇත්තේ මේ හේතු නිසාවෙනුයි.

මැග්ඩබර්ග් ජල පැන්නුමේ නිර්මාණ කටයුතු 1930 වර්ශයේදී ඇරඹුනත් දෙවන ලෝක යුද්ධය නිසා නවතා දැමුණු ඉදිකිරීම් කටයුතු විවිධාකාර හේතු නිසා අත්හැර දමා තිබී නැවත අරඹන්නේ 1997 වර්ශයේදීයි. සම්පූර්ණයෙන් නිමා කෙරුනු මැග්ඩබර්ග් ජල පැන්නුම 2003 වර්ශයේදී විවෘත කෙරුනා.

Read More

ටොරන්ට් ෆයිල් ඩිරෙක්ට් ඩවුන්ලෝඩ් කරන ක්‍රම 6ක් (නොමිලේ)

ටොරන්ට් ෆයිල්ස් ඩවුන්ලෝඩ් කරන්න බිට්ටොරන්ට්, Uටොරන්ට් වගේ සොෆ්ට්වෙයාර්ස් ගොඩක් තිබුනත් ටොරන්ට් ෆයිල්ස් ඩිරෙක්ට් ඩවුන්ලෝඩ් කරන්න උවමනා අයත් ගොඩක් ඉන්න පුලුවන්. මේ ලිපිය ඒ අය වෙනුවෙන්.

ටොරන්ට් ෆයිල්ස් ඩිරෙක්ට් ඩවුන්ලෝඩ් කරන එකේ වාසි කිහිපයක් තියෙනවා. අප්ලෝඩ් කිරීමක් කරන්න උවමනා නැති කම, ස්පීඩ් එක වැඩි වීම මේ වාසි විදිහට හඳුන්වන්න පුලුවන්. ඒ වගේම ටොරන්ට් ෆයිල්ස් ඩවුන්ලෝඩ් කරන එක බ්ලොක් කරලා තියෙන අන්තර්ජාල සම්බන්ඳතා හරහාත් මේ විදිහට ෆයිල්ස් ඩවුන්ලෝඩ් කරන්න පුලුවන්.

ටොරන්ට් ෆයිල්ස් ඩිරෙක්ට් ඩවුන්ලෝඩ් කරගන්න පුලුවන් වෙබ් අඩවි ගොඩක් හොයාගන්න පුලුවන් උනත් බහුතරයක් වෙබ් අඩවි වල මේ සේවාව ලබාගන්න ඕනේ මුදල් ගෙවලා. අද මේ ලිපියෙන් කතා කරන්නේ නොමිලේම ටොරන්ට් ෆයිල්ස් ඩිරෙක්ට් ඩවුන්ලෝඩ් කරගන්න පුලුවන් වෙබ් අඩවි ගැනයි.

1.) Lajusangat.net

               
මේ වෙබ් අඩවියේ Free Account එකක් හදාගන්න උවමනා වෙන්නේ ඊමේල් ඇඩ්‍රස් එකක් විතරයි.

වෙබ් අඩවියේ විශේෂතා

• එක් ෆයිලයක උපරිම විශාලත්වය = සීමාවක් නැත
• උපරිම වේග සීමාව = සීමාවක් නැත
• ෆයිලය වෙබ් අඩවියේ තබාගන්නා කාලය = දින 1 (අවසාන බාගත කිරීමෙන් පසු)
• එකවර ක්‍රියාත්මක කලහැකි ටොරන්ට් ෆයිල්ස් ගණන = 1

2.) Alldebrid.com

මේ වෙබ් අඩවියේ Free accounts වලින් ටොරන්ට්ස් ඩවුන්ලෝඩ් කරන්න බෑ. ඒත් ඉතින් බයවෙන්න දෙයක් නෑ. අපි කොහොමහරි අපේ වැඩේ කරගන්නවා. මෙන්න මෙහෙමයි කරන්න තියෙන්නේ. මේ වෙබ් අඩවියේ offer එකක් තියෙනවා free accounts තියෙන අයට දවස් දෙකක් premium account වලින් දෙන විදිහට ඩවුන්ලෝඩ් කරන්න දෙන. ඒක තමයි අපි පාවිච්චි කරන්නේ. හැබැයි එක free account එකකට මේ දවස් දෙක පාවිච්චි කරාට පස්සේ නැවතත් ටොරන්ට් ෆයිල්ස් ඩවුන්ලෝඩ් කරගන්න බැරුව යනවා. ආයෙත් කරගන්න ඕනෙනම් අලුත් account එකක් හදන එක තමයි තියෙන්නේ.

මුලින්ම මේ වෙබ් අඩවියේ free account එකක් හදාගන්න.

ඊට පස්සේ free account එක හදාගන්න පාවිච්චි කරපු ඊමේල් ඇඩ්‍රස් එකට ඊමේල් එකක් එනවා account එක activate කරන link එක දන්වලා. මේ එන මේල් එකේම තව ලින්ක් එකක් තියෙනවා request free days කියලා.

මුලින්ම activate link එක ක්ලික් කරලා account එක activate කරගන්න.

ඊට පස්සේ අනිත් ලින්ක් එක ක්ලික් කරන්න. එතකොට ඕපන් වෙන වෙබ් පිටුවේ අදාල ස්ථානයේ ජංගම දුරකතන අංකය ඇතුළත් කරලා next කරන්න. (අලුත් වෙබ් පිටුවක් ඕපන් වේවි.)

ඊට පස්සේ දුරකතනයට කෙටි පණිවිඩයක් එනවා code එකක් තියෙන. මේ code එක අලුතෙන් ඕපන් වූ වෙබ් පිටුවේ අදාළ ස්ථානයට ඇතුලත් කරන්න.

මෙච්චරයි කරන්න තියෙන්නේ. දැන් දවස් දෙකක් මේ වෙබ් අඩවිය premium user කෙනෙක් විදිහට පාවිච්චි කරන්න පුලුවන්.

ටොරන්ට් ෆයිල් එකක් ඩවුන්ලෝඩ් කරන ක්‍රමය

රතු පාටින් රවුම් කරලා තියෙන ලින්ක් එක ක්ලික් කරන්න.

මෙතනදි මැග්නට් ලින්ක් එක දෙන්න. නැත්නම් ටොරන්ට් ෆයිල් එක අප්ලෝඩ් කරන්න.

මේ විදිහට දීපු ෆයිල්ස් ඒ වෙබ් පිටුවේම යටින් මේ විදිහට පෙන්නනවා. Display links කියන තැන ක්ලික් කරන්න.

එතකොට එතනම යටින් මේ විදිහට ලින්ක් එක පෙන්නනවා. ඒ ලින්ක් එක රයිට් ක්ලික් කරලා කොපි කරගන්න.

ඊට පස්සේ Downloader කියන ලින්ක් එක ක්ලික් කරන්න.

අලුත් වෙබ් පිටුවේ කලින් කොපි කරගත්ත ලින්ක් එක කොපි කරන්න ඉහත රූපයේ රතු කවයෙන් පෙන්නලා තියෙන තැන. ඊට පස්සේ පහළින් තියෙන කොළ පාට ලින්ක් එක ක්ලික් කරන්න.

එතකොට එතනම යටින් ඩිරෙක්ට් ලින්ක් එක පෙන්නනවා. ඒක ක්ලික් කරලා ෆයිල් එක ඩවුන්ලෝඩ් කරගන්න.


ඩවුන්ලෝඩ් කරන එකට තහංචි දාලා තියෙන තැනක නම් (උදා:- Office, University, School )

මෙතන ක්ලික් කරන්න.

ඕපන් වෙන වෙබ් පිටුවේ මේ පෙන්නලා තියෙන විදිහට settings හදලා confirm the changes ක්ලික් කරන්න.

වෙබ් අඩවියේ විශේෂතා

• එක් ෆයිලයක උපරිම විශාලත්වය = සීමාවක් නැත
• උපරිම වේග සීමාව = සීමාවක් නැත
• ෆයිලය වෙබ් අඩවියේ තබාගන්නා කාලය = සීමාවක් නැත (අපි කරන විදිහටනම් දින 2)
• එකවර ක්‍රියාත්මක කලහැකි ටොරන්ට් ෆයිල්ස් ගණන = සීමාවක් නැත

3.) Btcloud.io

මේ වෙබ් අඩවියේ accounts හදන්න උවමනා නැහැ. ඊමේල් එකෙන් ලොග් වෙලා ඩවුන්ලෝඩ් කරන්න පුලුවන්.

වෙබ් අඩවියේ විශේෂතා

• එක් ෆයිලයක උපරිම විශාලත්වය = 1GB
• උපරිම වේග සීමාව = සීමාවක් නැත
• ෆයිලය වෙබ් අඩවියේ තබාගන්නා කාලය = සීමාවක් නැත
• එකවර ක්‍රියාත්මක කලහැකි ටොරන්ට් ෆයිල්ස් ගණන = 5

4.) Filestream.me

මේ වෙබ් අඩවියේ Free Account එකක් හදාගන්න උවමනා වෙන්නේ ඊමේල් ඇඩ්‍රස් එකක් විතරයි.

වෙබ් අඩවියේ විශේෂතා

• එක් ෆයිලයක උපරිම විශාලත්වය = 1GB
• උපරිම වේග සීමාව = සීමාවක් නැත
• ෆයිලය වෙබ් අඩවියේ තබාගන්නා කාලය = දින 3
• එකවර ක්‍රියාත්මක කලහැකි ටොරන්ට් ෆයිල්ස් ගණන = 2

5.) Furk.net

Gmail, Yahoomail, Facebook accounts වලින් ලොග් වෙන්න පුලුවන්.

වෙබ් අඩවියේ විශේෂතා

• එක් ෆයිලයක උපරිම විශාලත්වය = 2GB
• උපරිම වේග සීමාව = සීමාවක් නැත
• ෆයිලය වෙබ් අඩවියේ තබාගන්නා කාලය = සීමාවක් නැත
• එකවර ක්‍රියාත්මක කලහැකි ටොරන්ට් ෆයිල්ස් ගණන = සීමාවක් නැත

මෙම වෙබ් අඩවියෙන් එක් දිනකදී ඩවුන්ලෝඩ් කල හැක්කේ 1GB ප්‍රමාණයක ෆයිල්ස් පමණි.



6.) Boxopus.com

Facebook account එකෙනුත් ලොග් වෙන්න පුලුවන්.

වෙබ් අඩවියේ විශේෂතා

• එක් ෆයිලයක උපරිම විශාලත්වය = 1GB
• උපරිම වේග සීමාව = සීමාවක් නැත
• ෆයිලය වෙබ් අඩවියේ තබාගන්නා කාලය = දින 1
• එකවර ක්‍රියාත්මක කලහැකි ටොරන්ට් ෆයිල්ස් ගණන = 1

මේ ක්‍රම 6ම නොමිලේම ටොරන්ට් ෆයිල්ස් ඩිරෙක්ට් ඩවුන්ලෝඩ් කරගැනීමට භාවිතා කරන්න පුලුවන්.

Read More